Iskerlik bailanystardy izdeý jáne ornatýǵa arnalǵan Linkedln áleýmettik jelisiniń basshylyǵy Qazaqstanda internet-resýrstyń buǵattalýyna bailanysty pikir bildirdi, - dep habarlaidy Tengrinews.kz.
"Bizdiń jelide qumar oiyndardy jarnamalaýǵa, jalǵan paraqshalar ashýǵa tyiym salatyn naqty erejeler bar. Sondyqtan qazir tergeý júrgizip jatyrmyz. Basty maqsatymyz platformany paidalanýshylar úshin qaýipsizdikti, senimdilikti jáne kásibi tájiribeni qamtamasyz etý", - dedi kompaniia.
Qoldanýshylar LinkedIn-ge keshe, 26 shildeniń keshinen bastap kire almaǵan.
"Taldaý barysynda LinkedIn internet-resýrsynda internet-kazinolardy jarnamalaýǵa jáne naqty adamdardyń atynan jalǵan paraqsha ashýǵa bailanysty birqatar zańbuzýshylyqtar anyqtaldy. Mundai materialdardy ornalastyrý Qazaqstan zańnamasynyń talaptaryna ǵana emes, LinkedIn internet-resýrsynyń ishki erejelerine de qaishy keledi", - dedi vedomstvonyń baspasóz qyzmetindegiler.
Ministrlik LinkedIn internet-resýrsynyń ákimshiligine zańbuzýshylyqtardy joiýdy jáne joiylǵan tiisti materialdar boiynsha sharalar qabyldaýdy talap etetin habarlama jibergen.
