Lifttiń ishinde balalarǵa kúsh kórsetip jatqan er adamnyń videosy “Ne molchi” Instagram paraqshasynda jariialandy. Oqiǵa 23 shilde kúni saǵat 16:36 shamasynda bolǵan, -dep habarlaidy "Ult Aqparat".
"Videoǵa ózderińiz qarańyzdarshy. Ol eshkim kórip qoimasyn dep abailap tur. 10 jasar balalardy qalai "batyl" teýip, uryp jatyr", -dep jazylǵan jazbada.
Paraqshada Almaty qalasynyń politsiia deportamentin belgilep, bolǵan jaǵdaidy dereý qolǵa alýyn jáne QR QK 293 baby boiynsha is qozǵaýdy suraǵan.
"Bizde osy siiaqty taǵy bir is bar. Onda jasóspirim balany kórshisi urǵan. Ol da Almatyda bolǵan oqiǵa. Tolyǵyraq erteń jariialaimyz", -delingen jazbada.
