Leonardo da Vinchidiń áigili «Álem qutqarýshysy» (Salvator Mundi) týyndysy sársenbi kúni Niý-Iorktegi Christie's aýktsionynda 400 mln dollarǵa satyldy. Aýktsiondyq úi óziniń resmi saitynda saýdanyń tikelei transliatsiiasyn júrgizdi, dep habarlaidy "Ult aqparat" TASS agenttigine silteme jasap.
Aýktsion aldynda áigili sýretshiniń týyndysy 100 million dollarǵa baǵalanǵan bolatyn.
Leonardo da Vinchidiń shyǵarmashylyǵy boiynsha sarapshy Liýk Seisonnyń paiymynsha, kartina Frantsiia koroliniń otbasynyń tapsyrysymen salynǵan. Keiin Angliia koroli I Karl 1625 jyly Frantsiia koroli IV Genrihtiń qyzyna úilengennen keiin Angliiaǵa jetkizilgen.
Sýret 1649 jyly I Karlǵa qatysty ólim jazasy oryndalǵannan keiin qurastyrylǵan koroldik kollektsiia tiziminde boldy. 1651 jyly aýktsionda satylyp, 1666 jyly II Karl tusynda koroldik kollektsiiaǵa qaitaryldy. Keibir málimetterge qaraǵanda, sýret koroldiń jeke kabinetinde saqtalyp kelgen. Kartinanyń 1763 jyldan arǵy taǵdyry beimálim. Tek 1900 jyly ony ábden tozǵan kúii koroleva Viktoriia tusyndaǵy bedeldi adamdardyń biri jeke kollektsiia úshin satyp alady.
