Qazaqstan QazVac dep atalatyn ulttyq vaktsinasynyń kómegimen koronavirýsqa qarsy vaktsina naýqanyn bastady, ol qazirgi ýaqytta klinikalyq synaqtyń III satysynda tur. Bul týraly «Le Figaro» gazetiniń saitynda jariialanǵan maqalada aitylǵan, dep jazady QazAqparat.
«Ulttyq telearnanyń málimetinshe, búkil Qazaqstan boiynsha Biologiialyq qaýipsizdik problemalarynyń memlekettik ǵylymi-zertteý institýty ázirlegen eki dozaly vaktsinanyń 50 000 dozasy taratylǵan. Densaýlyq saqtaý ministri Aleksei Tsoi vaktsinanyń alǵashqy dozasyn teledidardan tikelei efirde saldyrdy.
Osydan keiin A.Tsoi ózin «jaqsy» sezinetinin málimdedi jáne úkimet Túrkiiamen kóbirek jańa partiialar shyǵarý týraly kelissózder júrgizip jatqanyn aitty.
Qazaqstan Prezidenti Qasym-Jomart Toqaev COVID-19 virýsyna qarsy óz vaktsinasyn jasaǵan álemdegi «sanaýly elderdiń biri» retinde eldiń ǵylymi serpilisin atap ótti.
Qazaqstan óz aýmaǵynda «Spýtnik V» reseilik vaktsinasyn óndirýdi iske qosqan alǵashqy shet memleket boldy, ol osy ýaqytqa deiin onyń koronavirýsqa qarsy vaktsinatsiialaý naýqanynda basym boldy.
A.Tsoidyń aitýynsha, naýqan bastalǵannan beri aqpan aiynda Qazaqstanda árbir 20 adam vaktsinatsiialandy. Resmi málimetterge sáikes, 26 sáýirdegi jaǵdai boiynsha, 19 millionǵa jýyq halqy bar eldiń 309 myńnan astam turǵyny koronavirýs juqtyrdy, 3570 adam qaitys boldy.
Qazaqstan — kómirsýtegi men tabiǵi resýrstardyń bai qoryna ie Ortalyq Aziiadaǵy eń iri ekonomikalyq el» delingen maqalada.
