"Qazaqstannyń 100 jańa esimi" tiziminen tabylǵysy keletin úmitkerler ishinde er adamdardyń sany áielderge qaraǵanda basymyraq. Bul derekti búgin «Qazaqstannyń 100 jańa esimi» jobasy boiynsha jumys toby men sarapshylyq toptyń kezekti otyrysynda áleýmettaný ǵylymdarynyń doktory Lázzat Nurqatova habarlady, dep jazady "Ult aqparat".
«Biz kandidattyń ómirbaianyn, jetistikter tarihyn kimniń, qaidan jáne qanshalyqty kóp jibergenine asa mán bermedik. Ondai sanaqpen jáne statistikamen ainalysqan joqpyz. Bizdiń mindetimiz úmitker jetistikteri tarihynyń biregeiligin hám ereksheligin aiqyndaý boldy. Iaǵni onyń tarihynyń jylnamalyq aiasyna, barlyq talaptar men suranystarǵa sai keletinine jiti mán berýge tyrystyq. Naqty aitqanda, Qazaqstan táýelsizdigi kezeńindegi tarihy qyzyqtyrdy», - dedi ol.
Nurqatovanyń aitýynsha, qoǵamdyq daýys berýge usynylǵan kandidattyń 67 paiyzyn er-azamattar, al qalǵan 33 paiyz áielder quraǵan.
«Aldyn ala iriktelgen kandidattardyń genderlik jáne etnikalyq quramyna qatysty mynadai qyzyqty jait belgili boldy. Úmitkerlerdiń shamamen 67 paiyzyn erler, 33 paiyzyn áielder quraidy. Óz qoǵamyna barlyq jaǵynan úlgi bolatyn tarihtyń batyrlary, aimańdai azamattar qatarynda: qazaqtar, orystar, koreiler, nemister jáne ýkraindyqtar bar», - dedi ol óz sózinde.
