"Balapan" telearnasyna alǵashqy jyldary basshylyq etken Janar Shámeldiń bala kútiminen keiin qyzmetine oralýyna bailanysty Láilá Sultanqyzy áriptesine ornyn berip, barlyq jumysty tapsyrdy, - dep habarlaidy "Ult aqparat" telearnanyń Strategiialyq marketing departamentine silteme jasap.
"Balapan" telearnasy 2010 jyldyń 27 qyrkúieginde ashylǵan bolatyn. Láilá Sultanqyzy 2012 jyldan bastap, 5 jyl boiy osy ýaqytqa deiin atalmysh arnanyń direktory qyzmetin atqardy. Sol aralyqta "Balapan" arnasy milliondaǵan búldirshinniń senimdi dosyna, ata-analardyń bala tárbiesindegi kómekshisine ainaldy. Sondai-aq, telearna otandyq telenaryqta oiyp turyp oryn aldy, óz baǵytyn aiqyndap úlgerdi.
Ásirese otandyq ónimniń úlesin arttyrýda mańyzdy ról atqaryp keledi. Arna ashylǵan alǵashqy jyldary sheteldik ónim - 60 paiyz, ózindik ónim - 40 paiyzbolsa, qazir bul kórsetkishterdiń orny aýysqan. Bes jyl ishinde túrli janrdaǵy (sporttyq, intellektýaldyq, iýmorlyq, animatsiialyq jáne t.b ) 300-den asa balalarǵa arnalǵan jobalar jaryq kórdi. Halyqaralyq "TEFI" jáne Ulttyq "TUMAR" televiziialyq báigelerinde úzdik atandy. Disney, DreamWorks siiaqty basqa álemdik iri animatsiialyq kompaniialardyń eń sapaly, suranysy joǵary teleónimderi qazaq tilinde sóilei bastady. Sheteldik mýltfilmderdiń mátininen bastap, ánderine deiin qazaqshaǵa aýdaryldy. Kórermenmen interaktivti bailanysty nyǵaitý maqsatynda tikelei efirdegi baǵdarlamalardy jaryqqa shyǵardy. Kishkentai bolsa da, kásibi telejúrgizýshiler qalyptasty.Tuńǵysh ret balalarǵa arnalǵan telexikaialar da túsirildi.
Láilá Sultanqyzy "Balapan" telearnasynda qyzmet etip júrgende, 2014 jyly "Mádeniet salasynyń úzdigi', al 2016 jyly "Qazaqstannyń Eńbek sińirgen qairatkeri" ataǵyn ielendi.
