Foto: © globallookpress.com
Resei syrtqy ister ministri Sergei Lavrov Qyrǵyzstanda qabyldanǵan "Qyrǵyz Respýblikasynyń memlekettik tili týraly" zańy jóninde pikir bildirdi. Bul zańda Qyrǵyzstannyń memlekettik tili - qyrǵyz tilin paidalanýdy mindetteitin salalar men laýazymdy qyzmetter kórsetilgen, dep jazady Azattyq.
Resei SIM saitynyń habaryna qaraǵanda, 19 shildede Máskeýdegi kommertsiialyq emes uiym jetekshilerimen kezdesýde Sergei Lavrov "orys tili men mádenietin shetelde nasihattaý" jóninde sóz etken.
"Qazir TMD keńistiginde kúrdeli jaǵdailar bolyp jatyr" degen ol "birneshe ai buryn Qyrǵyzstanda zań qabyldandy. Bul ideia paida bolǵan sátte-aq biz qyrǵyz dostarymyzǵa "qyrǵyz tilin jappai mindetteý - demokratiiaǵa sai emestigin" eskertkenbiz. Memlekettik qyzmet sanatyna muǵalimder men memlekettik meditsinalyq mekemelerde jumys isteitin dárigerler de kirgen. Jumysty jalǵastyramyz. Qyrǵyz konstitýtsiiasynda orys tili ultaralyq qatynas tili ekeni birneshe ret eskertilse de, basqa jaqqa tartyp otyr, – dedi Resei SIM.
17 shildede Qyrǵyzstan prezidenti Sadyr Japarov "Qyrǵyzstannyń memlekettik tili týraly" zańǵa qol qoiǵan.
Qyrǵyzstan parlamentiniń depýtattary biyl mamyrda maquldaǵan zań boiynsha, budan bylai memlekettik jáne jergilikti ózin-ózi basqarý organdarynda, menshik túrine qaramastan, barlyq kásiporyn men mekemede qyrǵyz tilin qoldaný mindetti sanalady.
Memlekettik qyzmetkerler, depýtattar, ulttyq bank qyzmetkerleri, kúsh qurylymdary, sot, prokýratýra, advokattar, notariýstar, oqý oryndarynyń qyzmetkerleri, meditsina qyzmetkerleri memlekettik til – qyrǵyz tilin bilýge jáne qyzmet mindetin oryndaý kezinde paidalanýǵa tiis.
Bul zań menshik túrine qaramastan teleradiokompaniialardy baǵdarlamanyń kemi 60 paiyzyn qyrǵyz tilinde júrgizýge mindetteidi. Birlesken kompaniialar men sheteldik kompaniialar ataýy qyrǵyz tilindegi transliteratsiiamen jazylýǵa tiis.
Zańda orys tili Qyrǵyzstanda resmi til retinde qoldanylatyny kórsetilgen.
