Biz jyldam da, ózgermeli, dinamikaǵa toly zamanda ómir súrýdemiz: atqan árbir tańymyz tosyn jańalyq ákelip, oǵan beiimdelýdi, máseleler bolsa, shuǵyl sheshýdi talap etýde.
Álemde bolyp jatqan ózgeristerdiń legi shapshań. Biz joǵary tehnologiia men aqparattar álemindemiz, bul jaǵdai bizden tez is-qimyldar ǵana emes, ýaqyttan oza is-áreket jasaýdy talap etedi.
Sondyqtan biz, búkil azamattardy, ulttyq kodymyzdy saqtaý jáne ózindik sana-sezimimizdi damytý tárizdi birinen biri ajyramas uǵymdy bailanystyra otyryp, alǵa qoiǵan maqsat pen murat kókjiekterin keńeitýge shaqyramyz.
Búgingi zamanymyzdyń basty tendentsiiasy – innovatsiia men noý-haý, dástúrli emes energiiany paidalaný, qoǵamdyq damý men áleýmettik modernizatsiialaýdyń basty ózegi bolyp tabylady.
Bizdiń balalarymyzdyń osyndai jyldam da, ózgermeli ýaqytta ómir súrýge qabiletti bolýy jetkiliksiz, olar osy oqiǵalar men úderisterdiń qainaǵan ortasy men top basynda bolýy shart.
Sondyqtan da, latyn árpin engizý ultymyz úshin mańyzdy, óte qajetti, ýaqyt talabyna sai keletin jańa atribýt dep sanaimyz.
Búgingi elimizge ultty jumyldyra alatyn, zamanýi aǵymǵa sáikes, jańa baǵyttaǵy rýhani aǵym qajet.
Bul jerde biz mádeniet pen óner, ádebiet pen kino, mýzyka men shynaiy shyǵarmashylyq salasyn birinshi kezekke qoiyp aityp otyrmyz.
Latyn qarpin engizýdiń eń basty máiegi men ózegi, onyń basty dramatýrgiiasy osynda jatyr!
Jahandaný protsessi óziniń jaǵymdy jaqtarymen qatar, ulttyq mádenietti korroziiaǵa ushyrata otyryp, rýhani álemimizge óshpes syzat túsiretindigin de kórsetýde!
Osyndai rýhani alapaty kóp zamanda ómir súrip qana qoimai, qaryshty damý úshin árdaiym damý ústinde bolýymyz shart.
Biz álemdik mádeni keńistikte rýhani-mádeni «gettoǵa» ainalmaýymyz kerek!
Latyn árpin engizýdiń mán-jaiy osyndai kúresten týady!
Sonymen birge, biz bul protsesti keshendi ǵylymi tarazyǵa salyp, barsha halyqpen keńese otyryp, júieli túrde ómirge endirý qajet dep esepteimiz.
Latyn árpi – bizdiń dástúrli mádenietimizdi damytýdyń, álemdik ǵylymi-tehnikalyq, qarjy-ekonomikalyq ainalymǵa ený jolyndaǵy «rýhani lifti», irgetasy bolmaq.
Biz azamattarymyzdyń bolashaǵyn qoldaityndyqtan, latyn qarpin qoldaimyz!
Bolashaǵyńa at salys!
Ábdiǵali Berik Áýesbai Qanat Bapi Ermurat Baitoq Ǵalym Baiǵulov Tólegen Bekqojin Islambek Eleýken Esen Dombai Qýat Qaliev Talǵat Qosanov Ámirjan Kisikov Beknur Mámbetov Serik Loskýtova Oksana Orynbek Aigýl Oshaqbaev Rahym Rojin Maksim Taijan Muhtar Tólibaev Marat Sarym Aidos Sairov Erlan Sátjan Dinara Dosýmov Nurlan Spotkai Maksim Shójeeva Áziza
