Foto: depositphotos.com
Almatyǵa qosymsha jappai immýndaý júrgizý úshin 500 myń doza mólsherinde qyzylshaǵa, qyzamyqqa jáne parotitke qarsy vaktsina (QQP) partiiasy keldi, - dep habarlaidy "Ult aqparat" DSM baspasóz qyzmetine silteme jasap.
"Qazaqstanda qyzylshamen syrqattanýshylyq boiynsha epidemiologiialyq jaǵdaidy turaqtandyrý úshin shuǵyl den qoiý sharalary qabyldanǵanyn esterińizge sala keteiik. Halyqtyń arasynda qyzylsha infektsiiasymen syrqattanýshylyqtyń odan ári taralýynyń aldyn alý maqsatynda Bas memlekettik sanitariialyq dáriger egý mártebesine qaramastan balalarǵa qyzylshaǵa, qyzamyqqa jáne parotitke qarsy qosymsha jappai immýndaý júrgizý jónindegi qaýlyǵa qol qoidy.
Al QR Densaýlyq saqtaý ministrligi halyqty immýndaý úshin vaktsinanyń qosymsha kólemin satyp alýdy pysyqtady. Jalpy, qosymsha jappai immýndaý júrgizý úshin QQP-ǵa qarsy vaktsinanyń 1,5 mln. astam dozasy satyp alyndy" - delingen habarlamada.
Vedomstvo málimetinshe, kelgen vaktsina jedel tártipte QR DSM SEBK-niń bólýine sáikes el óńirlerine jiberiledi. Biryńǵai distribiýtor immýnobiologiialyq preparattardyń logistikasyn barlyq GMP jáne GDP standarttaryn, sondai-aq «sýyqtyq tizbegin» saqtai otyryp júzege asyrady.
"Vaktsinatsiialaý úshin «Serum Institute of India» shyǵarǵan qyzylshaǵa, qyzamyqqa jáne parotitke (QQP) qarsy aralas vaktsina qoldanylady. Bul vaktsinany óndirýde óndiriletin vaktsinalardyń sapasy men qaýipsizdigine kepildik beretin DDU aldyn ala biliktiligi bar. Qyzylshaǵa qarsy vaktsina 60 jyl boiy qoldanylyp keledi jáne aýrýdyń taralýyn toqtatý úshin usynylady.
Biyl bizdiń elimizde álemniń kóptegen elderindegidei qyzylshamen syrqattanýshylyq boiynsha qolaisyz epidemiologiialyq jaǵdai baiqalady.
Qyzylsha – infektsiianyń taralýy aýa tamshylary arqyly bolatyn juqpaly virýstyq infektsiialardyń biri. Qyzylshamen aýyrmaǵan jáne oǵan qarsy egilmegen adamdar ómir boiy qyzylshaǵa óte sezimtal bolyp qalady jáne kez kelgen jasta aýyryp qalýy múmkin" - delingen habarlamada.
Bul rette Densaýlyq saqtaý ministrligi el halqynyń arasynda qyzylshamen syrqattanýshylyqtyń odan ári taralýynyń aldyn alý maqsatynda aǵymdaǵy jyldyń 6 qarashasynda qyzylshaǵa qarsy qosymsha jappai immýndaýdy bastady.
"Birinshi kezekte 6 aidan 11 aiǵa deiingi balalar immýndaýǵa jatady. Jeltoqsannan bastap egý mártebesine qaramastan 2 jastan 5 jasqa deiingi balalardy, meditsina qyzmetkerlerin (55 jasqa deiin), sondai-aq profilaktikalyq egýdi ótkizip alǵan 18 jasqa deiingi adamdardy qyzylshaǵa qarsy qosymsha immýndaý josparlanyp otyr.
Qyzylshaǵa qarsy profilaktikalyq egý kúntizbesine sáikes, bizdiń elde josparly túrde eki ret egiletinin: bala alǵashqy egýdi 12-15 ailyǵynda, ekinshisin - 6 jasynda alatynyn esterińizge sala keteiik" - delingen DSM usynǵan málimette.
