Qyzylorda qalasynyń turǵyny, jas ónertapqysh Dastan Aitbai reseilik Iandeks kompaniiasynan shaqyrtý aldy, dep habarlaidy "Ult aqparat".
Dastan Aitbai kóptegen innovatsiialyq jobalar boiynsha elge tanylyp keledi. Ol byltyr innovatsiialyq qulaqqap jasap shyǵardy. Qazir ekiniń biri qulaqqapty paidalanady. Degenmen ol qaýipsizdikti saqtaý barysynda kóptegen qiyndyqtar týdyrady. Dastan qulaqqaptyń ishine qaýipsizdik signalyn ornatqan. Máselen, kólik, jol-kólik, jedel járdem qyzmetteriniń signaly estilgende qulaqqaptaǵy áýen avtomatty túrde toqtaidy.
Sondai-aq, Dastan virýsqa qarsy qorǵanys retinde qoldanylatyn arnaiy jobany oilap tapty. Oǵan «Kafka» baǵdarlamasy degen ataý berilgen. Ony virýsqa qarsy virýs deýge negiz bar. Joba boiynsha ol virýsty óz qaqpanyna túsiredi. Oǵan óziniń virýstaryn júktep jibere alady. Nátijesinde jiberilgen virýs qaitadan burynǵy «uiasyna» baryp, arqalap kelgen júgi arqyly ózin-ózi joiyp jiberedi.
«Aldaǵy ýaqytta óz bilimimdi Resei astanasy - Máskeý qalasynda jetildirgim keledi. Bul - úlken tájiribe alańy. Mundai iri kompaniiamen birge jumys jasaý ózime jasalǵan úlken múmkindik dep sanaimyn», - dedi Dastan Aitbai.
