Foto: videodan alynǵan kadr
Qyzylodadaǵy Nazarbaev ziiatkerlik mektebiniń muǵalimi Gúlzat Shyntasova 2 myńnan astam pedagogtyń arasynda ótken básekede "Qazaqstan muǵalimi" ulttyq syilyǵyn ielendi, dep habarlaidy Ult.kz 24KZ-ke silteme jasap.
Qazaq tili men ádebieti pániniń muǵalimi Gúlzat Shyntasova oqýshyny qyzyqtyrýdyń birneshe ádisin daiyndaǵan. Sonyń ishinde ult ustazy Ahmet Baitursynulynyń ádistemesin búgingi bilim berý baǵdarlamasyna negizdei otyryp jasady.
"Muǵalim sabaq berýmen shektelmei, shyǵarmashyl bolýy kerek, izdenis ústinde júrip, jan-jaqty bolýy tiis. Óitkeni qazirgi bizdi oqytyp jatqan oqytýshylarymyzdyń kópshiligi qazirgi zamanǵa beiimdelip ketken. Sondyqtan olardyń oiyn bir jerde shoǵyrlandyrý óte qiyn. Zertteý arqyly oqýshylardyń qyzyǵýshylyǵyn arttyryp otyramyz", – deidi Gúlzat Shyntasova.
Ulaǵatty ustaz buǵan deiin de respýblikalyq baiqaýlarda top jarǵan. Birneshe shákirti ǵylymi jobalar baiqaýynyń jeńimpazy atandy.
"Óziniń kásibi sheberligin shyńdap jáne ártúrli olimpiadadan, ǵylymi jobadan jetistikterge jetip kele jatyr. Qazaqstannyń alǵashqy as máziriniń qazaq tilindegi nusqasyn jasaýshylardyń quramyna endi", – dep atap ótti mektep direktorynyń orynbasary Erbol Qainarbaev.
"Qazaqstan muǵalimi" baiqaýynda álemniń túkpir-túkpirinen jinalǵan ǵalymdar men sarapshylar osy ideiaǵa ereshe nazar aýdarǵan.
"Bilim berýdiń jańashyl modeli dep júrgen kóp dúnieni Ahmet Baitursynulynyń jazyp ketken eńbekterinen tabýǵa bolatynyn "Álem muǵalimi" baiqaýynda dáleldegim keledi. Qazir bul jobany aǵylshyn tilinde qorǵaý úshin daiyndalyp jatyrmyn", – deidi ustaz.
