Ilia Ilin, Aleksandr Zaichikov, Rústem Sybai, Ásem Sadyqova jáne Azamat Tólegen oblys quramasyn jeńiske jetkizdi. Aýyr atletikadan Taldyqorǵanda ótken QR chempionatynda qyzylordalyq qurama 5 altyn, 2 kúmis jəne 1 qola júlde ielenip, jalpy komandalyq eseppen birinshi orynǵa shyqty.
Taldyqorǵanda aýyr atletikadan erler men əielder arasynda QR chempionaty ótti. Dúbirli dodada Qyzylorda oblysynyń erler quramasy tabysty óner kórsetip, 360 upaimen komandalyq esepte 1-oryndy jeńip aldy.
Oblys qorjynynda – 5 altyn, 2 kúmis, 1 qola medal.
Qyzylordalyq Aleksandr Zaichikov (109 kg), Ilia Ilin (102kg), Rústem Sybai (96 kg), Ásem Sadyqova (64 kg), Azamat Tólegen (61kg salmaq dárejesinde) chempionatta altyn medalǵa ie boldy.
Eki jyl boiy jarysqa qatysý quqyǵynan aiyrylǵan Ilia Ilin jańa 102 kg salmaq dárejesindegi alǵashqy jeńisine jetip, taǵy da jankúierlerin qýantty.
Sondai-aq, 26 jastaǵy Aleksandr Zaichikov 109 keli salmaqta Qazaqstan rekordyn jańartty, eki jarystyń qorytyndysy boiynsha 387 kg kóterdi.
Quramanyń nátijelerin nazarlaryńyzǵa usynamyz.
Chempionat jeńimpazdary:
61 kg. Azamat Tólegen - 227 (99+128)
64 kg. Əsem Sadyqova - 228 (101+127)
96 kg. Rústem Sybai - 378 (171+207)
102 kg. Ilia Ilin - 380 (172+208)
109 kg. Aleksandr Zaichikov - 387 (175+212)
Kúmis júldegerler:
67 kg. Beksultan Aitbai - 256 (106+150)
102 kg. Əlisher Orazbek - 290 (130+160)
Qola júldegerler:
96 kg. Nurjan Keńesbek - 326 (142+184)
Jalpy komandalyq esepte erler quramasy:
1-oryn. Qyzylorda oblysy (360 upai)
2-oryn. Almaty oblysy (243 upai)
3-oryn. ShQO (232 upai)
Sportshylar qarasha aiynda Ashhabadta ótetin Əlem chempionatyna qatysatyn bolady.
