Qyzylordadan Oraldaǵy túrmege esirtki jetkizbek bolǵan qylmystyq top ustaldy, dep habarlaidy "Ult aqparat".
BQO boiynsha qylmystyq-atqarý júiesi departamenti málim etkenindei, esirtki Qyzylordadan batys óńirlerge tasymaldanǵan.
Kúdiktilerden ustalǵan kezde 10 kg esirtki tárkilendi. Taǵy 5 kg esirtki olar turatyn mekenjaidan tabyldy. Saraptama qorytyndysyna sáikes esirtki keptirilgen marihýana bolyp shyqty. Bul asa iri kólemdegi esirtki bolyp tabylady.
BQO boiynsha qylmystyq-atqarý júiesi departamenti bastyǵynyń orynbasary, ádilet polkovnigi Niiaz Ryspaevtyń aitýynsha, jedel aldyn alý sharalary barysynda Oralda jazasyn ótep jatqan er adamnyń óziniń inisi arqyly BQO-ǵa Qyzylordadan esirtki tasymaldaýǵa qatysy barlyǵy jóninde aqparat alynǵan. Esirtkiniń bir bóligin qylmystyq top túrmege jetkizbek bolǵan.
«Aqparat muqiiat tekserilip, QR UQK departamentine berildi.
UQK departamenti qyzmetkerleri Aqtóbe qalasynda N. degen kúdiktini qolǵa túsirdi. Ol Oralda esirtki qylmysyna qatysty jazasyn ótep jatqan er adamnyń uly bolyp shyqty. Atalǵan jazasyn óteýshi zańsyz áreketinen sabaq alýdyń ornyna qylmysqa balasyn tartqan. Qazirgi kezde tergeý aiaqtalyp, is sotqa joldandy», dedi Ryspaev.
