Qyzylordada eki kúnnen beri habarsyz ketken úsh jasóspirim qyzdyń ekeýi Almaty qalasynan tabyldy, dep habarlaidy "Ult aqparat".
Esterińizge sala ketelik, 25 naýryz kúni keshki ýaqytta Qyzylorda qalasyndaǵy «Atameken» balalar aýylynda tárbielenip júrgen 15-16 jastaǵy úsh jasóspirim qyz belgisiz sebeppen ketip qalǵan. Sodan beri olardy izdeý júrgizildi.
Osy maqsatta qalalyq politsiia basqarmasynyń jeke quramy tiisti sharalardy atqardy. Oblys ortalyǵyndaǵy kópqabatty úilerdiń shatyrlary, saiajailar, tastandy úiler men qurylysy bitpegen ǵimarattar, oiyn-saýyq ortalyqtary men jaldamaly páterler tekserildi. Olardyń fotosýretteri kórsetilip, surastyrý jumystary júrgizilgen.
Izdeý sharalaryna eriktiler de qosyldy. Oǵan belsendi azamattar men janashyr eriktiler tartyldy.
«Osyndai jumystardyń nátijesinde qyzdardyń ekeýi 27 naýryzda keshki ýaqytta Almaty qalasynda júrgeni anyqtaldy. Olardy tabýǵa turǵyndardyń qyraǵylyǵy men politseilerdiń kásibi sheberligi áser etti. Bul baǵytta baǵdarlardy barlyq áleýmettik jeliler men buqaralyq aqparat quraldaryna jappai taratý paidasyn tigizdi. Qazir qyzdar Almaty qalasyndaǵy balalar úiine jetkizildi. Úshinshi kámeletke tolmaǵan qyz áli izdestirilip jatyr», - dep málim etti Qyzylorda oblystyq politsiia departamentinen.
