Qyzylordada úii órtenip, nárestesi qaza bolǵan Tekebaevtar otbasyna jańa baspana berildi, dep habarlaidy "Ult aqparat".
Esterińizge sala ketelik , oqiǵa biylǵy jyldyń 18 aqpanynda oblys ortalyǵyndaǵy Ál-Farabi móltek aýdanynda boldy.
Oqiǵa ornyna shuǵyl jetken órt sóndirý bóliminen 3 tehnika men 16 qyzmetker kúshimen jalyn tolyq óshirildi. Oqiǵa saldarynan 2020 jyly dúniege kelgen náreste kóz jumdy.
Balalardyń anasy, 1993 jylǵy áiel birinshi dárejeli kómir qyshqyl gazyna ýlaný jáne sol jaq bilektiń jáne eki alaqanynyń termiialyq kúiik shalý naqtamasymen qalalyq aýrýhanaǵa jatqyzyldy. Búgingi kúni jaǵdaiy birqalypty.
Qorlardyń bastamasymen halyqtan jinalǵan qarjyǵa órt saldarynan zardap shekken Tekebaevtar otbasyna Arai móltek aýdanynan 6 bólmeli jańa jer úi berildi.
Zardap shekken kópbalaly otbasy ákimdik tarapynan, kásipkerlerdiń qoldaýymen 1 aiǵa jetetin azyq-túlik, mektep qural-jabdyǵymen qamtamasyz etildi.
Búgin oblys ákimi Gúlshara Ábdiqalyqova órt saldarynan nárestesi qaza bolǵan Tekebaevtar otbasyna baryp, kóńil aitty.
Aimaq basshysy úi ielerin jańa baspanamen quttyqtap, turmysqa qajetti syilyqtar tabys etti.
«Qaiǵynyń ornyn toltyrý múmkin emes. Jalpy, Syr eli úshin bul aýyr qaza boldy. Kózge kóringen balalarymyz aman bolsyn», - dedi oblys ákimi.
