Qyzylorda oblystyq tarihi-ólketaný mýzeiinde «Áziret Sultan» mýzei-qoryǵynyń «Tarihi Túrkistan» kóshpeli kórmesiniń ashylýy saltanaty ótti. Bul týraly Túrkistan oblysy ákimdiginiń baspasóz qyzmeti habarlady.
Kórmeniń maqsaty – Túrkistannyń tarihi ornyn, onyń mádeni-rýhani kelbetin ashyp kórsetý, tarihi muralardy nasihattaý, mádeni bailanysty keńeitý, mekemeler arasyndaǵy yntymaqtastyqty nyǵaitý.
Kórmeni Qyzylorda oblysynda resmi issaparmen júrgen Qazaqstan Respýblikasy Mádeniet jáne sport ministri D.Abaev, Qyzylorda oblysynyń ákimi N.Nálibaev bastaǵan qonaqtar tamashalady.
Kórmeniń resmi ashylýyna m ádeniet uiymdarynyń basshylary, oqytýshy-professorlar, ólketanýshylar, tarihshylar, BAQ ókilderi qatysty.
Is-sharada Qyzylorda oblystyq tarihi-ólketaný mýzeiiniń direktory S.Kózeibaev túrkistandyqtarǵa sheksiz alǵysyn bildirip, mýzeiler arasynda qarym-qatynastyń odan ári jalǵasa beretindigine toqtaldy. Qyzylorda oblystyq mádeniet jáne sport basqarmasynyń basshysy R.Rústemovtyń alǵys hatyn «Áziret Sultan» memlekettik tarihi-mádeni mýzei-qoryǵynyń direktory M.Sadyqbekovke tabystady.
Óz kezeginde M.Sadyqbekov kórme jumysyna sáttilik tilep mýzei isin damytý joldaryna toqtaldy. Qyzylordalyq áriptesterdi Túrkistanda kórme ótkizýge shaqyrdy. Qyzylorda oblystyq tarihi-ólketaný mýzeiiniń direktory S.Kózeibaevty alǵys hatpen marapattap, mýzei-qoryqtyń baspa ónimderin tabystady.
Qorqyt ata atyndaǵy Qyzylorda memlekettik ýniversitetiniń professory, tarih ǵylymdarynyń doktory D.Sátbai Túrkistannyń qazaq tarihynda alar ornynyń erekshe ekendigin jáne kórmeni oblys jurtshylyǵy erekshe ystyq yqylaspen qabyldaityndyǵyn, sondai-aq stýdentterge nasihattaityndyǵyn atap ótti.
Kórme jumysy 2022 jyldyń 21 qazanyna deiin jalǵasady.
