Qyzylorda qalasynda kanalǵa sýǵa batyp ketken toǵyzynshy synyp oqýshysynyń denesi tabyldy, dep habarlaidy QazAqparat.
Búgin, 19 mamyr saǵat 15:28-de oblystyq tótenshe jaǵdailar departamentine Belkól kentindegi kanalǵa 15-16 jasar er balanyń sýǵa ketkeni jóninde habar kelip túsken.
Oqiǵa ornyna barǵanda sýǵa batqan jasóspirimniń kenttegi №189 mekteptiń toǵyzynshy synyp oqýshysy ekeni málim boldy.
«Jedel qutqarý jasaǵynyń basshysy Baqyt Embergenov basshylyǵymen izdestirý sharasyna 7 qutqarýshy tartylyp, qajetti tehnika men qaiyq paidalanyldy. Súńgýirler múrdeni sý astynan izdedi. Saǵat 18.28-de jasóspirimniń denesi batqan jerinen 500 metrdei qashyqtyqta sý astynan tabyldy», - dedi Qyzylorda oblystyq tótenshe jaǵdailar departamenti órt sóndirý jáne avariialyq-qutqarý qyzmetiniń baspasóz hatshysy Áliia Erejepova.
