Ulttyq qaýipsizdik komiteti Qyzylorda oblysynyń politsiia departamenti bastyǵynyń birinshi orynbasary G. Tólebaev pen PD Uiymdasqan qylmysqa qarsy kúres basqarmasynyń qyzmetkeri B. Asqarovtyń zańǵa qaishy áreketiniń jolyn kesti, dep habarlaidy "Ult aqparat" komitettiń baspasóz qyzmetine silteme jasap.
Olar jeke kásipkerdi qorqytyp, býkmekerlik klýb tekserisin toqtatqany úshin zańsyz aqshalai syiaqy alǵan. 2019 jylǵy 5 sáýirde QR IIM Jeke qaýipsizdik departamentimen birlese júrgizilgen is-sharalar barysynda G. Tólebaev 300 myń teńge kóleminde aqsha alý kezinde ustaldy. Sonymen bir mezgilde Qaraǵandy qalasynda B. Asqarov qolǵa tústi.
G. Tólebaev Qyzylorda qalasy PB ýaqytsha ustaý izoliatoryna qamaldy. Sotqa deiingi tergeý júrip jatyr.
