Qyzylorda oblysynda quqyq qorǵaý organdarynyń qyzmetkerleri koronavirýs infektsiiasynyń ekpesin saldyra bastady, dep habarlaidy "Ult aqparat".
Bul boiynsha uiymdastyrý sharalary oblystyq densaýlyq saqtaý basqarmasy jáne oblystyq sanitarlyq-epidemiologiialyq baqylaý departamentimen kelisilgen. Atalǵan shara qalalyq №1, 3 jáne 6 emhanalarda júrgizilip jatyr.
Oblys ortalyǵyndaǵy №6 emhanada Qyzylorda qalalyq politsiia basqarmasynyń basshylary bastaǵan jeke quramy «Spýtnik V» vaktsinasyn saldyrdy.
Alǵashqy kezekte ekpe ýchaskelik politsiia inspektorlaryna egildi. Olardyń negizgi qyzmeti - halyqpen tyǵyz qarym-qatynasta, tikelei bailanysta bolǵandyqtan tártip saqshylary osyndai sheshim qabyldady.
Vaktsina salǵannan keiin politsiia qyzmetkerleriniń jaǵdaiy dárigerler baqylaýynda bolady. Qazir olardyń densaýlyǵy birqalypty.
«Koronavirýs vaktsinasy sallyna bastaǵanyn habarlaǵan kezde men ony birden alǵym keletinin aittym. Biz, politseiler, sondai-aq meditsina qyzmetkerleri azamattarmen tyǵyz bailanystasyz. Kún saiyn halyqpen tyǵyz qarym-qatynasta jumys istep, kúni-túni aldyńǵy sheptemiz. Vaktsina alý meniń densaýlyǵyma ǵana emes, ainalamdaǵylardyń saýlyǵy úshin de qajet», - dedi Qyzylorda qalalyq Politsiia basqarmasy bastyǵynyń orynbasary Sáken Bóribaev.
