Qyzylordalyq politseiler demalys parkindegi attraktsionnyń eń joǵary biiktiginen sekirip sýitsid jasamaq bolǵan azamatty qutqaryp qaldy, dep habarlaidy "Ult aqparat".
Bul oqiǵa 26 tamyzda túngi ýaqytta boldy. Belgisiz azamat politsiiaǵa habarlasqan. Onda qalalyq mádeni-demalys parkindegi attraktsionnyń eń joǵary biiktiginen sekirip, ózin-ózi óltiretinin aitqan.
«Dereý oqiǵa ornyna jetken ýchaskelik politsiia inspektory, politsiia leitenanty Baqytjan Dosmaǵambetov pen jedel ýákil, politsiia leitenanty Aidos Amangeldiev attraktsionnyń joǵary jaǵyna shyǵyp ketken adamdy kórdi.
Politsiia qyzmetkerleri álgi azamatpen kelissóz júrgizip, raiynan qaitardy. Artynsha temir baspaldaqpen joǵary kóterilip, ony jerge túsirdi. Osylaisha tártip saqshylary qaiǵyly oqiǵanyń aldyn aldy», - dep málim etti Qyzylorda oblystyq politsiia departamenti.
Ózin-ózi óltirmek bolǵan azamattyń jeke basy anyqtaldy. Ol Qyzylorda qalasynyń 28 jastaǵy turǵyny bolyp shyqty. Er adam politsiia basqarmasyna jetkizildi. Onyń ishimdik ishkeni belgili boldy. Politseiler bolǵan oqiǵanyń mán-jaiyn anyqtaýda.
