Qyzylorda oblysynda tórtinshi toqsannan bastap óńirdegi jalpy bilim beretin mektepterdegi barlyq synyp oqýshylary aralas formatta oqidy. Alaida synyptaǵy bala sany 25 adamnan aspaýy tiis, dep habarlaidy "Ult aqparat".
Qazir óńir epidahýal boiynsha jasyl aimaqta tur. Sondyqtan oblysta karantin talaby jeńildetilgen jańa qaýly shyqty. Onda kórsetilgenindei, kontingenti 300 oqýshyǵa deiin qalalyq jáne aýyldyq mektepterde synyptardaǵy balalar sanyn 25 adamnan asyrmai dástúrli formatta oqytylady. Bilim berý uiymy ákimshiliginiń sheshimi boiynsha sabaqtan tys ýaqytta 15 adamnan aspaityn toptarda oqýshylardy jeke oqytýǵa ruqsat beriledi.
«Degenmen oblysta koronavirýs infektsiiasynyń epidemiologiialyq ahýaly áli de turaqsyz. Sondyqtan bilim uiymdarynda da saqtyq sharalary joǵary deńgeide bolýy kerek. Sebebi ótken táýlikte 13 derek tirkeldi. Qazir óńirde bul dertti juqtyrǵandardyń sany 4007-ge jetti. Keiin opyq jemes úshin bul qaýipti virýstyń taralýyn toqtatýǵa barymyzdy salýymyz qajet. Al ol úshin qarapaiym ǵana saqtyq sharalaryn oryndaý jetkilikti», - dedi oblystyń bas memlekettik sanitariialyq dárigeri Dinara Jańabergenova.
Aita keteiik, oqý sanitariialyq-dezinfektsiialyq jáne maska rejimin saqtai otyryp júredi. Jańa ózgeris búginnen bastap kúshine endi.
