Qyzylorda oblysynda munai ónimin zańsyz satqany úshin 25 jastaǵy turǵyn sottaldy, dep habarlaidy "Ult aqparat".
Shieli aýdanynda turatyn 1996 jylǵy azamat 2017 jyly jeke kásipkerlik ashyp, sodan bastap benzin jáne dizel otynyn kóterme saýdada ótkizýge qatysty jekelegen qyzmet túrlerimen ainalysqan. Aýdan ortalyǵynan janarmai beketin jalǵa alǵan. Birneshe zańdy tulǵaǵa kelisim-shart negizinde qyzmet kórsetken.
«2019 jyly onyń kásibinde zańsyz áreketter paida bolǵan. Atap aitqanda, zańdy tulǵalarǵa jetkizip berý úshin kelisim-shartta kórsetilgen dizel otynynyń bir bóligi qujatta rastalmaǵan. Sot-býhgalterlik zertteý saraptamasy ol «Birińǵai derekter qoimasy» aqparattyq júiesimen tapsyrylǵan salyq eseptiliginde kórsetilmegenin anyqtady. Osylaisha zańdylyǵyn rastaityn qujatsyz munai ónimderin asa iri mólsherde tasymaldaǵan. Nátijesinde qylmystyq jolmen túsken tabys bolyp tabylatyn múlikti ainalymǵa tartyp, paidalanǵany mámile jasasqan tulǵalardyń kórsetýimen tolyqtai óz dálelin tapty. Bul áreketter aýyr qylmystar sanatyna jatady», - dep málim etti Qyzylorda oblysy boiynsha ekonomikalyq tergeý departamentinen.
Vedomstvo málimetinshe, QR Qylmystyq kodeksiniń 197-baby 4-bóliginiń 2-tarmaǵymen, 218-baby 1-bóligimen kásipkerge 3 jylǵa shartty túrde bas bostandyǵynan aiyrý jazasy taǵaiyndaldy. Sol merzimge probatsiialyq baqylaý belgilendi.
Eske salsaq, budan buryn Qyzylordada jalǵan aqshamen jergilikti turǵyndardy aldaǵan jigit sottaldy.
