Qyzylordada kúnniń qatty ysýy saldarynan qalanyń birqatar bóligi sýsyz jáne jaryqsyz qaldy. Bul týraly Qyzylorda oblysy ákiminiń baspasóz hatshysy Abai Taǵybergen óziniń Facebook-tegi paraqshasynda jazdy.
«KEGOC» kompaniiasynyń qosalqy stantsiiasynan shyǵatyn áýe jelileriniń boiynda týyndaǵan aqaý saldarynan qala aýmaǵynda aýyz sý toqtatylyp, elektr jaryǵy óshirildi. Mamandardyń shuǵyl jumystary nátijesinde aýyz sý qaita berile bastady. Al, elektr jaryǵyn qosý jumystary áli jalǵasýda.
Bul másele aimaq basshysynyń tikelei baqylaýynda. Qazirgi tańda oblys ákiminiń orynbasary Marhabat Jaiymbetov aqaý oryn alǵan qosalqy stantsiiaǵa baryp, sala mamandarymen birge máseleni anyqtaýda», - dedi baspasóz qyzmetiniń jetekshisi.
Abai Taǵybergen elektr jaryǵy jaqyn arada qosylatynyn aityp, ýáde berdi.
