Qyzylordalyq politseiler sintetikalyq esirtki jetkizý jolyn kesti, dep habarlaidy QazAqparat.
Qyzylorda qalalyq Politsiia basqarmasy 22 jastaǵy semeilikti sintetikalyq esirtki zatyn saqtaǵany úshin ustady.
Olt Qyzylorda qalasynan páter jaldaǵan. Politseiler páterge tintý júrgizý barysynda onyń esirtki daiyndap, satý úshin shaǵyn zerthanaǵa ainaldyrǵanyn anyqtady. Páter shinen eki dana gazet qiyndysyna salynǵan sur tústi untaq, elektrondy tarazy, rýlon folga, túrli-tústi izolenta, skotch jáne arnaiy paketter zattai dáleldeme retinde alyndy.
«Saraptama qorytyndysy boiynsha tárkilengen untaqtyń jalpy salmaǵy 235,83 gramm «a-pirrolidinovalerofenen» nemese «a-PVP» psihotroptyq zattarǵa jatatyny naqtylandy. Kúdikti atalǵan esirtki zattaryn jaldamaly páterde ózi ólshep, daiyndap, internet jelisi arqyly tapsyrys boiynsha satatyny anyqtaldy. Kúdikti Qyzylorda qalalyq Politsiia basqarmasynyń ýaqytsha ustaý abaqtysyna qamaqqa alyndy. Bul derek boiynsha Qazaqstan Respýblikasy Qylmystyq kodeksiniń 297-baby 3-bóliginiń 3-tarmaǵyna sáikes sotqa deiingi tergep-tekserý amaldary jalǵasýda», - dep málim etti Qyzylorda oblystyq politsiia departamentinen.
Vedomstvo málimetinshe, qyzylordalyq politseiler bir ai kóleminde asa iri mólsherdegi sintetikalyq esirtki satýdyń ekinshi deregin anyqtady.
