26 qazan kúni Qyzylordada e-commerce salasyndaǵy otandyq jáne sheteldik sarapshylardyń qatysýymen G-Global kommýnikativtik alańynda elektrondyq kommertsiiany damytýǵa arnalǵan tuńǵysh halyqaralyq internet - forým ótti. Sharany «Atameken» UKP jáne Qyzylorda oblysynyń ákimdigi uiymdastyrdy.
Forým jumysyna Qyzylorda oblysynyń ákimi Qyrymbek Kósherbaev qatysyp, elektrondyq kommertsiiany damytýdyń aimaq ekonomikasy úshin mańyzy zor ekenin atap ótti.
- Elektrondyq saýdanyń tiimdiligi kóp jaǵdaida memlekettiń saiasatyna tikelei bailanysty. Óitkeni elektrondyq kommertsiia offlain biznestiń tek qosymshasy ǵana. Eger memleket taýar óndirýshilerge jaǵdai jasap otyrsa, al internet-dúkenderge mysaly, taýardy kedendik rásimdeý jáne salyq tóleý kezinde belgili bir preferentsiialar jasalýy qajet, - dedi ákim.
Qyrymbek Kósherbaev barlyq qatysýshylardy ózara tájiribe almasýǵa shaqyrdy jáne qyzylordalyq kásipkerler aimaqta e-commerce, iaǵni elektrondyq kommertsiiany damytýǵa qatysty barlyq usynystardy qarastyrýǵa daiyn ekenin aitty.
Forýmnyń maqsaty – e-commerce elementteri arasyndaǵy ózara naqty bailanystardy damytýǵa yqpal etý, sondai-aq, logistikalyq tizbekti ońtailandyrý, marketingtik tehnologiialardy ilgeriletý jáne onlain-saýda kompaniialarynyń tabystylyǵyn arttyrý. Sonymen qatar forým spikerleri men qatysýshylar internette biznes júrgizý tájiribelerimen bólisip, onlain saýda júrgizýdegi elektrondyq kommertsiiany damytý arqyly otandyq taýar óndirýshilerge qoldaý jasaý, onlain-saýda júrgizýdegi elektrondyq aqshanyń róli, kóleńkeli ekonomikany azaitý jáne ózge de mańyzdy máselelerdi talqyǵa saldy.
