Qyzylordalyq dárigerler telefon jutyp qoiǵan er adamdy qutqaryp qaldy. Bul jóninde oblystyq densaýlyq saqtaý basqarmasynyń baspasóz qyzmeti málim etti, dep habarlaidy "Ult aqparat".
Vedomstvo málimetinshe, oblystyq kópsalaly aýrýhanaǵa ishki júieleri aýyrsynǵan er adam kelgen. Naýqas dárigerlerge birneshe saǵat buryn uialy telefon jutyp qoiǵanyn aitqan.
Aýrýhana mamandary atalǵan adamnyń ishki júiesin rentgen apparatyna túsirip, shuǵyl zertteý jumystaryn júrgizdi. Nátijesinde onda uialy telefon jáne tyrnaq sekildi bóten zattardyń bar ekeni anyqtaldy.
«Telefonda ornalasqan batereia adam aǵzasyna ziian tigizýi múmkin. Mamandar keńesinen keiin endoskoptyń kómegimen atalǵan zattar sátti shyǵaryldy. Endoskopiia - bul aspaptyq diagnostikanyń zamanaýi joǵary aqparattyq ádisi. Ol skalpelge júginbei, qýys múshelerdiń ishine qaraýǵa múmkindik beredi. Bul manipýliatsiiany endoskopist Aibek Aqbaev joǵary deńgeide atqaryp shyqty», - dep málim etti Qyzylorda oblystyq densaýlyq saqtaý basqarmasynan.
