Qyzylorda oblysy Shieli aýdanynda 2 jasóspirim kóldegi sýǵa batyp kóz jumdy, dep habarlaidy "Ult aqparat".
Oqiǵa búgin, 18 naýryzda saǵat 12:45 shamasynda bolǵan. Sol ýaqytta Shieli aýdandyq politsiia bólimine habar kelip túsken. Aýdandyq jedel járdem bólimi mamandary telefon arqyly oqiǵa barysy jóninde habarlaǵan. Onda Shieli kenti N.Bekejanov kóshesinde turatyn 2 jasóspirim balanyń kóldegi sýǵa batyp qaitys bolǵany týraly aitylǵan.
«Atalǵan habarlama boiynsha jedel-tergeý toby oqiǵa ornyna baryp tekserý júrgizdi. Zertteý barysynda 2013 jylǵy ul bala men 2015 jylǵy týylǵan qyz balanyń úiine 5-8 metr jerde ornalasqan «Súiindik» qóliniń ústindegi muzda oinap júrip, sýǵa batyp qaitys bolǵany anyqtaldy. Jergilikti ýaqytpen 12 saǵat 55 minýtta turǵyndar sýdan máiiti (kiimmen) shyǵardy. Qara jamylǵan otbasyna aýdan ákimdigi tarapynan materialdyq kómek kórsetiletin bolady», - dep málim etti Shieli aýdandyq ákimdiginen.
