Qyzylorda oblysynda balalar arasynda koronavirýsqa shaldyǵý jaǵdaiy alańdatyp otyr, dep habarlaidy "Ult aqparat".
Biyl jyl basynan beri 14 jasqa deiingiler arasynda 345 bala qaterli indetke shaldyqqan. Al byltyr 213 jaǵdaiy tirkelgen bolatyn.
Epidemiologiialyq zertteýler nátijesi kórsetkendei, ótken jyly balalar arasynda COVID-19-dyń simptomsyz túri anyqtalǵan edi. Al balalar arasynda biyl dene qyzýynyń kóterilýi, álsizdik, qurǵaq jótel siiaqty klinikalyq belgiler tirkelýde. Bul koronavirýs infektsiiasynyń mýtatsiialanǵan jańa shtamdarynyń áseri dep boljanady.
«Aita keteiik, biyl 238 mektep oqýshysy arasynda koronavirýs juqtyrǵan. Kórsetkishter boiynsha, 16 sáýirde 37 oqýshy qaterli indetke shaldyqqan bolatyn. Al 14, 15 sáýir kúnderi ol 19 jaǵdaidan kezdesti. Barlyq aýrý oshaǵynda indetke qarsy zalalsyzdandyrý, profilaktikalyq sharalar júrgizildi. Jaqyn qarym-qatynasta bolǵandardyń barlyǵy 14 kúnge meditsinalyq baqylaýǵa alyndy. Aýrý tirkelgen synyptar karantinge jabyldy», - dep málim etti oblystyq sanitariialyq-epidemiologiialyq baqylaý departamentiniń baspasóz hatshysy Aiman Janahaeva.
Sońǵy kúnderde bul boiynsha aýrýshańdyq kórsetkishinde tómendeý tendentsiiasy baiqaldy. Atap aitqanda, 17 sáýirde 9, 18 sáýirde 4 jaǵdai tirkeldi.
