Qyzylorda oblysynda kroonavirýs indetine bailanysty qalyptasqan kúrdeli jaǵdaiǵa qaramastan tártip buzǵandar bar. Olardyń qatarynda aýyl ákimi de bar, dep habarlaidy "Ult aqparat".
Bul jóninde oblys prokýrorynyń birinshi orynbasary Talǵat Álibaev óńirlik kommýnikatsiialar qyzmetinde ótken brifingte málim etti.
Sońǵy derekter boiynsha oblysta 24 adam koronavirýs juqtyrǵan. Qyzylorda qalasy men Jańaqorǵan aýdanynda karantin jariialandy. Tótenshe jaǵdai kezinde sporttyq, oiyn-saýyq jáne basqa da buqaralyq is-sharalar, sondai-aq otbasylyq, ataýly is-sharalardy ótkizýge tyiym salynǵan. Soǵan qaramastan Shieli aýdany Tóńkeris aýylynyń ákimi týysqanynyń úiindegi kelin túsirý toiyna qatysqan.
«Úi iesi Shieli aýdandyq sotynyń qaýlysymen 10 táýlikke ákimshilik qamaýǵa alyndy. Sol siiaqty Qyzylorda qalasyndaǵy «Origon» kafesiniń iesine ákimshilik hattama toltyryldy», – dedi oblys prokýrorynyń birinshi orynbasary.
Osyndai talaptardy eskermei, úiinde toi jasaǵan jekelegen azamattar,kafe, meiramhana jáne ózge de oiyn-saýyq oryndary tiisti jazaǵa tartylǵan. Quqyq qorǵaý organdary tarapynan tótenshe jaǵdai jariialanǵaly beri QR Ákimshilik quqyq buzý týraly kodeksiniń 476-babymen 49 tulǵaǵa ákimshilik hattama toltyrylǵan.
Atap aitqanda, 14-i sottyń qaýlysymen ákimshilik qamaýǵa alynsa, 23-ne ákimshilik aiyppul salyndy. Qalǵan 12-i sot óndirisinde qaralýda.
