Qyzylorda oblysynda óziniń aýlasynda 1 000 túpten astam esirtki ósirgen turǵyn qolǵa tústi, dep habarlaidy "Ult aqparat".
Qyzylorda oblysy Politsiia departamentiniń Esirtki qylmysyna qarsy is-qimyl basqarmasy Qyzylorda qalasynyń 48 jastaǵy turǵynyn ustady.
Onyń aýlasynan myń túpten asa sora ósimdigi tabyldy. Olardyń árqaisysy 3-4 metr biik bolyp óskep, baptalǵan. Sonymen qatar sora keptirilip daiyndalǵan. Politsiia 2 qapqa jáne kólemi 5 litr bolatyn 5 dana plastik ydysqa nyǵyzdalyp salynǵan shóp untaǵyn tapty. Bul zattar tárkilendi, Taǵaiyndalǵan saraptama qorytyndysyna sáikes, atalǵan azamattan jalpy salmaǵy 320 keliden asatyn 1 089 túp sora ósimdigi jáne 4 keliden asatyn marihýana tárkilendi.
«Kúdiktiden jaýap alý barysynda ol asa iri kólemdegi esirtkini ózi tutynatyn aitty. Arasynda kóleńke jolmen qarajat tabý maqsatynda satatynyn moiyndaǵan. Kúdikti Qyzylorda qalalyq Politsiia basqarmasynyń ýaqytsha ustaý abaqtysyna qamaldy. Onyń ústinen QR Qylmystyq kodeksiniń 300-baby 2-bóligimen jáne 296-babynyń 4-bóligine sáikes tergep-tekserý amaldary júrgizilýde», - dep málim etti Qyzylorda oblystyq politsiia departamentinen.
