Qyzylordalyq politseiler arnaiy operatsiia kezinde esirtki pritonyn anyqtady, – dep habarlaidy QazAqparat Polisia.kz-ke silteme jasap.
Qyzylorda PD Esirtki qylmysyna qarsy is qimys basqarmasynyń qyzmetkerlerimen jasyryn tergeý áreketterin júrgizý barysynda 68 jastaǵy qyzylordalyq óziniń turǵylyqty mekenjaiynda úsh sybailasymen birge esirtki zatyn qainatý arqyly «ekstratsiialyq apiyndy» daiyndap, tamyr arqyly egip, tutyný úshin priton uiymdastyrý ústinde ustaldy.
Mekenjaiyna qarap-tekserý kezinde aiǵaqty zattar – esirtki zaty qainatylǵan ydys-aiaqtar, shpritster zattai dáleldeme retinde alyndy.
Ustalǵan kúdikti óz kinásin tolyq moiyndady. Atalǵan derek boiynsha Qazaqstan Respýblikasy Qylmystyq kodeksiniń 302-babynyń 1-bóligimen (Esirtki, psihotroptyq zattardy, sol tektesterdi tutyný úshin pritondar uiymdastyrý nemese olardy ustaý, sol siiaqty osy maqsattar úshin úi-jailar berý) sotqa deiingi tergep-tekserý áreketteri júrgizilýde.
Kúdiktige qatysty «kúzetpen ustaý» túrindegi bultartpaý sharasy tańdaldy jáne ol ýaqytsha ustaý izoliatoryna qamaldy.
