Qyzylorda oblysynda jaiaý júrginshini qaǵyp ketken reseilik nómirli avtokóliktiń júrgizýshisi 2,6 jylǵa sottaldy, dep habarlaidy QazAqparat.
Oqiǵa 2020 jyldyń 11 qazanynda Qyzylorda qalasy ortalyq kósheleriniń birinde boldy.
Oblys ortalyǵynyń turǵyny ortalyq kóshelerdiń birinde reseilik nómiri bar «Toyota Corona Premio» markaly avtokóligimen jaiaý júrginshini qaǵyp ketken.
Jaiaý júrginshi alǵan dene jaraqatynan oqiǵa ornynda qaitys boldy.
«Sotqa deiingi tergeý nátijesi boiynsha qylmystyq is sotqa joldandy. Qyzylorda qalasy №2 sotynyń úkimimen júrgizýshi QR Qylmystyq kodeksiniń 345-babynyń 3-bóligi boiynsha kináli dep tanyldy. Ol 2 jyl 6 aiǵa bas bostandyǵynan airyldy. Sondai-aq, ol kólik quralyn 5 jyl boiy basqara almaidy. Sot oǵan jábirlenýshi tarapqa 10 mln teńgege jýyq teńge moraldyq jáne materialdyq zalal óteýdi mindettedi», - dep málim etti Qyzylorda oblystyq politsiia departamentinen.
