Qyzylorda qalasyna qarasty Qaraózek aýylynda abaisyzda aryqqa qulap ketken bes jastaǵy ul bala kóz jumdy, dep habarlaidy QazAqparat.
Oqiǵa búgin, 21 mamyrda saǵat 12:00 shamasynda bolǵan. Qyzylorda qalasyna qarasty Qaraózek aýylynda turatyn 2017 jylǵy sábi balalarmen birge dúkenge shyǵyp ketken.
«Sábi abaisyzda aýylǵa kire beriste ornalasqan aryqqa qulap ketip, sol jerde qaza bolǵan. Aýyl turǵyndary onyń jansyz denesin óz kúshimen shyǵaryp alǵan», - dep málim etti Qyzylorda oblystyq tótenshe jaǵdailar departamenti órt sóndirý jáne avariialyq-qutqarý jumystary qyzmetiniń baspasóz hatshysy Áliia Erejepova.
