Qyzylorda oblysynda 14 sáýirge deiin 10684 turǵynǵa 1 komponentpen vaktsina jasaldy, dep habarlaidy "Ult aqparat".
Óńirge koronavrýske qarsy egiletin 16 100 doza «Spýtnik-V» vaktsinasynyń birinshi, 15 100 doza ekinshi komponentti jetkizildi.
Oblysta barlyǵy 19 ekpe kabineti iske qosylǵan. Onyń 8-i qalada, 11-i aýdandarda qyzmet kórsetedi. Budan bólek, 4 jyljymaly egý brigadalary jumys jasaidy. Immýndaý sharalary júrgizilip jatqan ekpe kabinetteri tiisti temperatýralyq rejimi bar qajetti tońazytqysh jabdyǵymen, termokonteinerlermen tolyq qamtamasyz etilgen.
«Monitoring qorytyndysymen 14 sáýirge deiin 10684 turǵynǵa birinshi komponentpen vaktsina jasaldy. Búginde meditsinalyq qyzmetkerler arasynlda koronavirýs infektsiialary aýqymdy tómendep keledi. Onyń birden bir sebebi -vaktsinatsiia. Eske sala keteiik, oblysta meditsina qyzmetkerleri koronavirýs infektsiiasyna qarsy vaktsinatsiiamen 1 aqpannan bastap ekpemen qamtyldy», - dep málim etti oblystyq sanitariialyq-epidemiologiialyq baqylaý departamentinen.
Oblysta koronavirýs infektsiiasyn zertteýge arnalǵan 10 laboratoriia bar. Onyń bir kúndik qýattylyǵy 3420 analizdi quraidy. Jyl basynan beri onda 102 601 analiz jasaldy.
