Qyzylorda oblysynyń ákimi Nurlybek Nálibaevtyń qol saǵaty qandai brendten ekeni aityldy. Bul týraly ákimniń baspasóz qyzmeti ókilderi aitty, - dep habarlaidy Tengrinews.kz.
"Saǵat brendi - Rolex Datejust. Eske salaiyq, Nurlybek Nálibaev memlekettik qyzmetke taǵaiyndalǵanǵa deiin kásipker bolǵan. Bul saǵat buryn satyp alynǵan. Qazir oblys ákimi mundai qymbat saǵattar taqpaidy. Qazir oblys ákiminiń kúndelikti taǵatyn eki jup saǵaty bar", - dedi óńir basshysynyń baspasóz qyzmeti Tengrinews.kz tilshisi saýalyna bergen jaýabynda.
Sondai-aq, baspasóz qyzmeti jelide talqyǵa túsken sýret 2016 jyly túsirilgenin atap ótti.
"Saittaǵy sýretke fotoshop-baǵdarlamalary arqyly eshqandai ózgertý jáne óńdeý jasalmaǵan", - delingen habarlamada.
Bul rette "Azamattarǵa arnalǵan úkimet" málimetinshe, elektron úkimet saityndaǵy ákim Nálibaevtyń sýretti Qyzylorda oblysy ákimdiginiń ótinishimen ózgertilgen.
"Ashyq úkimet" saityndaǵy kez kelgen ózgertýler memlekettik mekemeniń ózinen resmi suranystarǵa sáikes júrgiziledi. Bul jaǵdaida sýret pen ómirbaiandy júkteý týraly resmi hat tústi", - delingen memkorporatsiia taratqan habarlamada.
Eske salaiyq, buǵan deiin Jelide oblys ákimi Nurlybek Nálibaevtyń Májilis ǵimaratynan asyǵys shyǵyp ketkeni túsirilgen video taraǵan edi. Jýrnalister oǵan birneshe suraq qoimaq bolǵanymen, ákim toqtamaǵan. Keiinirek ákim jýrnalisterge saǵatynyń baǵasy jaily túsinikteme bergen bolatyn.
