Sandyq tehnologiialardy naryqtyq standarttarǵa sáikes damytý maqsatynda Qyzylorda oblysynda arnaiy memlekettik organ – tsifrlyq tehnologiialar basqarmasy quryldy, sonymen qatar oblys ákiminiń tsifrlandyrý máseleleri jónindegi keńesshisi taǵaiyndaldy. Bul týraly oblys ákimi Qyrymbek Kósherbaev apparat májilisinde habarlady.
Kezdesýdi ashqan oblys ákimi sońǵy jyldary aqparattyq-kommýnikatsiialyq tehnologiialar óńir ekonomikasynyń barlyq salalarynda qarqyndy damyp kele jatqanyn atap ótti.
«Sońǵy jyldary aqparattyq jáne kommýnikatsiialyq tehnologiialar ekonomikanyń barlyq salalarynda qarqyndy damýda. Kórsetiletin memlekettik qyzmetter sapasyn, tsifrlandyrý jáne jobalyq basqarýdy arttyrý máseleleri memlekettik basqarý salasyndaǵy basym baǵyttardyń birine ainaldy. Sondyqtan, onyń qalyptasýy men odan ári damýy zamanaýi naryqtyq standartqa sáikes bolýy úshin óz aldyna derbes memlekettik organ bolyp tabylatyn Qyzylorda oblysynyń tsifrlyq tehnologiialar basqarmasyn qurdyq. Sonymen qatar, oblysymyzda tsifrlandyrý jumystarynyń tiimdi júrýin úilestirý maqsatynda oblys ákiminiń tsifrlandyrý máseleleri jónindegi keńesshisi laýazymyn engizý jóninde sheshim qabyldandy»,- dedi aimaq basshysy.
Tsifrlandyrý jónindegi oblys ákiminiń keńesshisi qyzmetine Aqmaral Álmenova taǵaiyndaldy.
Álmenova Aqmaral Baijanqyzy 1989 jyly týylǵan. Qorqyt Ata atyndaǵy Qyzylorda memlekettik ýniversitetin «Aqparattyq júieler», Novosibirsk memleketik ulttyq zertteý ýniversitetiniń magistratýrasyn «Informatika jáne esepteý tehnikasy», sondai-aq Qazan federaldyq ýniversitetiniń aspirantýrasyn «Esepteý mashinalary, keshenderi men kompiýterlik júielerdi matematikalyq jáne baǵdarlamalyq qamtamasyz etý» mamandyqtary boiynsha bitirgen. Tehnika ǵylymdarynyń kandidaty. 2014 jyldan bastap osy kezge deiin Tatarstan Respýblikasy Ǵylym akademiiasynyń kishi ǵylymi qyzmetkeri laýazymynda qyzmet atqaryp keldi.
