Qyzylorda oblysy Jalaǵash aýdanynda provizorlyq statsionar jabyldy, dep habarlaidy "Ult aqparat".
Aýdanǵa qarasty qarasty Mádeniet aýyldyq okrýgindegi aýrýhanada sońǵy naýqas emdelip shyqty. Budan keiin provizorlyq statsionar jabyldy. Qaterli indet dendep turǵan tusta aýrýhanadan provizorlyq jáne KVI statsionar ashylǵan bolatyn. Onda 20 adamǵa arnalǵan oryn 105-ke jetkizildi.
«Sońǵy ýaqytta statsionarǵa koronavirýs jáne pnevmoniiamen naýqas túsken joq. Emdeý ornyndaǵy sol diagnoz boiynsha jatqyzylǵan sońǵy 2 naýqas úiine shyǵaryldy. Nátijesinde provizorlyq statsionar jabyldy. Endi bul jerge dezinfektsiia jumysy júrgiziledi. Aýrýhana halyqqa qalypty jaǵdaida qyzmet kórsetetin bolady», - dedi aýrýhananyń provizor bóliminiń meńgerýshisi Ázizbek Jámkeev.
Dárigerler provizorlyq statsionarda em alyp, úiine asyqqan sońǵy 2 naýqasqa qurmet kórsetti. Emdelip shyqqan azamattar aldyńǵy shepte júrgen dárigerlerge rizashylyǵyn bildirdi.
