Konstitýtsiia kúnine orai Qazaly jáne Syrdariia aýdandarynda mektep pen sport kesheniniń ashylý saltanaty ótti.
Qazaly aýdanynyń ortalyǵynda, Áiteke bi kentinde jańa oqý jylynyń qarsańynda 300 oryndyq mekteptiń ashylýy boldy. Mektep qurylysy ótken jyly bastalǵan. Eki qabatty ǵimarat dárishanalar, jattyǵý zaly, kitaphana, konferents zaly, ashana, qajetti qosalqy bólmeler men injenerlik kommýnikatsiialarmen jabdyqtalǵan.
Oblys ákiminiń orynbasary Serik Qojaniiazov aýyl turǵyndaryn Konstitýtsiia kúnimen jáne jańa oqý jylynyń bastalýymen quttyqtady.
«Ózderińiz biletindei, Memleket basshysy aldymyzǵa 2020 jylǵa deiin oryndalýy tiis basty 3 mindet qoiǵan bolatyn: úsh aýysymdyq, apattyq mektepterdi joiý men 3-6 jastaǵy búldirshinderdi balabaqshamen qamtý. Aldymen, úsh aýysymdyq mektepterdi túbegeili joiýǵa qol jetkizdik. Sodan soń, oblys boiynsha 3-6 jas aralyǵyndaǵy búldirshinderdi mektepke deiingi tárbiemen qamtamasyz etýdi merziminen buryn 100 paiyzǵa oryndadyq. Munda memlekettik-jekeshilik áriptestikti damytýdyń úlesi basym ekenin aitý qajet. Sondai-aq, 2016 jyly ekonomikalyq kúrdeli ahýalǵa qaramastan biz apattyq jaǵdaidaǵy mektepter máselesin sheshýdi basymdyq retinde aiqyndadyq»,-dedi S.Qojaniiazov.
Aita keteiik, 5 jyl buryn Qazaly aýdanynda 9 apattyq jaǵdaidaǵy mektep boldy. Qazir olardyń ornyna jańa ǵimarattar salynǵan. Ótken jyldyń ózinde aýdanda bes bilim uiasy paidalanýǵa berildi.
Sonymen qatar, búgin Syrdariia aýdany Aqjarma aýyldyq okrýginde oblys ákiminiń orynbasary Rýslan Rústemovtiń qatysýymen 120 oryndyq sport kesheniniń ashylýy boldy.
«Oblystyń dene shynyqtyrý jáne sport salasynyń materialdyq-tehnikalyq bazasy jyl saiyn nyǵaiyp keledi. Sońǵy jyldary oblysta 9 sport kesheni paidalanýǵa berildi. Sondai-aq, byltyr oblystyq biýdjetten 7 eldi mekende sport keshenderiniń qurylysy bastalǵan bolatyn», - dedi oblys ákiminiń orynbasary Rýslan Rústemov.
Eske salsaq, Mádeniet, Túgisken, Aqjarma, Eńbekshi, Janqoja batyr aýyldarynda jáne Sekseýil men Tóretam eldimekenderindegi sport keshenderiniń qurylysy júrip jatyr, onyń 6-y iske qosyldy.
Odan bólek, Qyzylorda oblysynda 5 jyldyń ishinde 200-ge jýyq áleýmettik nysan, onyń ishinde 45 bilim oshaǵy, onyń 37-si apattyq mektepterdiń ornyna salynǵan.
