Qyzylorda oblysynda karantin talaptary kúsheitildi, dep habarlaidy "Ult aqparat".
Óńirde epidemiologiialyq ahýal kúrdelene tústi. Ótken táýlikte oblysta 51 adam qaterli indetke shaldyqty. Olardyń sany 4458 adamǵa jetti.
Osyǵan bailanysty oblystyń bas memlekettik sanitariialyq dárigeriniń jańa qaýlysy shyqty. Onda adam kóp jinalatyn dini, merekelik, sporttyq, mádeni, konferentsiialar, seminarlar, kórmelerdi jáne ózge sharalardy ótkizýge tyiym salyndy. Buǵan qosa, ujymdyq aýyzashar ótkizýge bolmaidy.
Sondai-aq, boýling, kompiýterlik klýbtardyń, túngi jáne oiyn klýbtarynyń, karaokeniń qyzmetine, qoǵamdyq oryndarda kaliandy paidalanýǵa ruqsat etilmeidi.
«Biylǵy jyldyń 8 sáýirinen bastap Qyzylorda oblysy «sary» aimaqqa engizildi. Osyǵan bailanysty shekteý sharalaryn engizý maqsatynda №8 qaýly qabyldandy. Iaǵni shekteýlermen jáne kúsheitilgen sanitarlyq-dezinfektsiialyq rejimmen balalar men eresekterdiń bilim berý ortalyqtarynyń jumysy aldyn alý jazylý boiynsha topty 15 adamnan artyq toltyrmaýy tiis. Qoǵamdyq kólik, bankter, HQKO, «Qazposhta» AQ bólimsheleriniń jumysy saǵat 9.00-den 18.00-ge deiin. Al uiymdar, ofisterdiń jumystaryna 50％ kúndizgi rejimmen ruqsat etildi.
Sondai-aq, qoǵamdyq tamaqtaný obektilerine toltyrylýy 50%-ǵa deiin, biraq 50 orynnan asyrmai saǵat 7-den 24-ke deiin jumys isteitin bolady. Saýnalar (jeksenbiden basqa) 30 adamǵa deiin, mádeniet obektileriniń toltyrylýyn 20%-dan artyq emes etip teatrlar, kinoteatrlar, kontsert zaldarynyń jumysyna ruqsat beriledi, - dedi oblystyń bas sanitariialyq dárigeri Dinara Jańabergenova.
Vedomostvo málimetinshe, qaýly búginnen bastap kúshine endi. Mamandar oblys turǵyndarynan epidemiologiialyq ahýal turaqtanǵansha betperde kiiýge nazar aýdarýdy suraidy.
