Qyzylorda oblysynda karantin rejimi uzartyldy, dep habarlaidy "Ult aqparat" oblys ákimdigine silteme jasap.
Bul sheshim Qyzylorda oblysynyń Bas memlekettik sanitarlyq dárigeriniń №12 qaýlysy negizinde júzege asady. Ol aimaqta koronavirýs infektsiiasynyń taralýynyń aldyn alý jáne halyqtyń qaýipsizdigin qamtamasyz etý maqsatynda qolǵa alynyp otyr. Oblystyń bas memlekettik sanitarlyq dárigeriniń qaýlysy negizinde 3 sáýirden bastap engizilgen shekteý sharalary, onyń ishinde epidemiologiialyq jaǵdai turaqtanǵanǵa deiin karantin ýaqyty uzartyldy.
Shekteý sharalaryn jeńildetýdiń úsh kezeńi jariialandy. Birinshi kezeńde, 11 mamyrdan bastap, jumys isteýge ruqsat berildi. Alǵashqy kezekte shekteýli ýaqyt boiynsha bólek turǵan azyq-túlik emes taýarlardy satatyn dúkenderge ruqsat etildi. Otyrǵyzý oryndardyń sanyna sáikes ýaqyt shekteýi boiynsha qoǵamdyq kólikter saǵat 07:00-den 21:00-ge deiin qatynai alady. Al qoǵamdyq monshalarǵa shekteýli ýaqyt boiynsha kópshilikti qabyldai alady. Sondai-aq, shekteýli ýaqyt boiynsha 30 adamnan aspaityn mádeniet jáne sport nysandarynyń jumysyna ruqsat beriledi. Oǵan qosa saǵat jóndeý sheberhanalaryna, himiialyq tazalaýǵa, fotosalondarǵa, jarnamalyq agenttikterge, sondai-aq sulýlyq salondaryna, mal bazarlaryna qurylys materialdary bazarlaryna jumyspen qamtý ortalyqtaryna ruqsat etiledi.
Al ekinshi kezeń 18 mamyrdan bastalady. Bul ýaqytta balabaqshalardyń kezekshi toptaryna, kórermenderdiń qatysýynsyz 50 jumysshydan aspaityn mádeniet jáne sport nysandarynyń, aldyn ala jazylý negizinde shekteýli ýaqytpen halyqqa qyzmet kórsetý ortalyqtarynyń jumysy júrgiziledi. Al 25 mamyrdan bastalatyn úshinshi kezeńde qonaq úi keshenderine, otelderge, saýda oiyn-saýyq ortalyqtaryna ruqsat etiledi.
Qazirge deiin Qyzylorda oblysynda 229 adamǵa koronavirýs infektsiiasy diagnozy qoiylǵan.
Onyń ishinde 161 adam qaterli indetten saýyǵyp shyqty.
