Qyzylorda oblysynda aýdan turǵyndary koronavirýsqa qarsy vaktsina saldyra bastady, dep habarlaidy "Ult aqparat".
Vaktsina naýryz aiynnyń basynda aýdandarǵa jetkizilgen bolatyn. Alǵashqy kezeńde oblystyń soltústik bóligindegi Aralda – 210, Qazalyda 300 doza egildi.
«Naýryz aiynyń alǵashqy onkúndiginde 149 meditsina qyzmetkeri ekpeniń birinshi komponentin aldy. Endi olar 21 kúnnen soń ekinshi komponentin qabyldaityn bolady. Ekpeden soń aýyrsyný sekildi qolaisyz jaǵdailar tirkelgen joq. Búginde aýdanda virýsqa qarsy dári qory men qajetti qural-jabdyqtar jetkilikti», – dedi Qazaly aýdanaralyq aýrýhanasynyń bas dárigeri Baqyt Alisheva.
Al Aral aýdanynda vaktsinalaý jumystaryn júrgizý úshin emhanada sanitarlyq-epidemiialogiialyq talaptarǵa sai egý bólmeleri daiyndaldy. Sondai-aq, ekpe egýge 4 dáriger, 4 medbike jáne 2 meditsinalyq tirkeýshi maman jumyldyryldy.
«Qazir ekpe saldyrǵan azamattar bizdiń dárigerlerdiń baqylaýynda. Endi qalǵan dozalar aldaǵy ýaqytta kezeń-kezeńimen jetkiziletin bolady», – dedi Aral aýdanaralyq aýrýhanasynyń bas dárigeri Marat Rshymbetov.
Budan buryn qyzylordalyq politseiler koronavirýsqa qarsy vaktsina ala bastaǵanyn jazǵan edik.
