Qyzylorda oblysynda aqpan aiynan beri 7119 adam koronavirýsqa qarsy ekpe saldyrdy, dep habarlaidy "Ult aqparat".
Óńirge sáýir aiynda taǵy 12 myń doza vaktsina keldi. Jalpy shilde aiyna deiin 80 myń doza ákelinedi dep kútilýde.
Oblysta koronavirýs infektsiiasyna qarsy ekpe 1 aqpan-4 sáýir aralyǵynda alǵashqy komponentte 7119 adamǵa salynsa, ekinshi komponentte 2623 adamǵa egildi. Olardyń 3377-i meditsina qyzmetkeri, 1610-y muǵalim, 1290-y politsiia qyzmetkeri, 255-i áleýmettik, 270-i memlekettik qyzmetker jáne 285-i basqa da sala ókilderi.
«Vaktsinatsiialaý №1, 3, 4, 5, 6 qalalyq emhanada, barlyq aýdanda jáne Baiqońyr qalasynda júrgizilýde. Bul maqsatta alǵashqy meditsinalyq-sanitarlyq kómek mekemelerinde 14 egý kabineti daiyndalǵan. Barlyq ekpe talapqa sai, temperatýralyq rejimdi qadaǵalaityn arnaiy mashinamen halyq sanyna bailanysty ekpe egý oryndaryna jetkizilýde», - dedi oblystyq densaýlyq saqtaý basqarmasynyń basshysy Sábit Pazilov.
Aita keteiik, ekpe salatyn meditsina qyzmetkerleri jetkilikti. Emhanalarda kezekti boldyrmaý joldary da qarastyrylýda. Máselen, ekpeni erikti túrde salýǵa usynys bergen mekemelerge dárigerler baryp, vaktsina salyp berýde.
Buǵan deiin Qyzylordada 417 politseidiń koronavirýsqa qarsy vaktsina qabyldaǵany habarlanǵan bolatyn.
