Qyzylorda oblysynda 4 jastaǵy sábi koronavirýs juqtyrdy, - dep habarlaidy "Ult aqparat".
Sońǵy táýlikte Qyzylorda oblysynda koronavirýs infektsiiasyn juqtyrǵan 31 adam tirkeldi.
Olardyń 11-i ‒ Qyzylorda qalasynda tursa, 17-i ‒ Aral, 3-i ‒Jańaqorǵan aýdandarynyń turǵyndary.
«Olardyń arasynda eń úlkeni -1939 jylǵy áiel bolsa, eń kishisi - 2016 jyly týǵan qyz bala. PTR analizi 28 adamnan aýrý juqtyrǵan naýqaspen qarym-qatynasta bolýyna bailanysty alynǵan. Al 2 adamnan QR Bas memlekettik sanitarlyq dárigeriniń qaýlysyna sáikes skriningteý kezinde tabylsa, 1 adamnan Atyraý qalasynan kelýine bailanysty tekserýden ótkizildi. Zertteý qorytyndysy naýqastardyń koronavirýs infektsiiasyn juqtyrǵanyn kórsetti. Qazirgi tańda patsientter aýrýhanaǵa oqshaýlandyrylyp, hattamaǵa sáikes em qabyldap jatyr. Aýrý oshaqtarynda mamandar indetke qarsy is-sharalar uiymdastyryp, qarym-qatynasta bolǵandar anyqtalýda», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz qyzmeti.
Qazir Qyzylorda oblysynda koronavirýs infektsiiasyn juqtyrǵan 402 adam tirkelgen.
Olardyń arasynan 245 adam syrqatynan jazylyp shyqty.
Sondai-aq, búginnen bastap Qyzylorda oblysynda karantin talaptary jeńildetildi.
