Qyzylorda oblysynda búgin koronavirýs dertimen anyqtalǵan turǵynnyń ony qaidan juqtyrǵany belgili boldy, dep habarlaidy "Ult aqparat".
Shieli aýdanynda turatyn naýqas 1999 jyly dúniege kelgen. Ol koronavirýs juqtyrǵan Túrkistan oblysynyń turǵynymen «Petropavl-Qyzylorda» poiyzynda bir vagonda bolǵan. Nátijesinde shuǵyl karantindik statsionarǵa oqshaýlanyp, zerthanalyq zertteýlerge synamalar alynǵan bolatyn. Odan analiz oń nátije kórsetti. Naýqas Shieli aýdanaralyq aýrýhanyń juqpaly aýrýlar bólimine aýystyryldy.
«Atalǵan jaǵdai búgingi kúnge deiingi oblysta tirkelgen 25 naýqaspen bailanysy anyqtalmaǵan, syrttan tasymaldanǵan derek retinde tirkeldi. Naýqaspen tyǵyz qarym-qatynasta bolǵan taǵy 3 adam anyqtalyp, olar karantindik statsionarǵa jatqyzyldy. Búgingi jaǵdai boiynsha COVID-19 koronavirýs infektsiiasy boiynsha qolaisyz elderden kelgen 184adam monitoring baqylaýǵa alyndy. Onyń ishinde 1a sanatyndaǵy elderden kelgeni - 20 adam, 1b sanatyndaǵy elderden kelgeni - 164 adam bar. Monitoringkige alynǵan azamattar arasynda 12 adam karantindik statsionarlarda meditsinalyq baqylaýda», - dep málim etti oblystyq taýarlar, qyzmetterdiń sapasy men qaýipsizdigin baqylaý departamentiniń baspasóz hatshysy Aiman Janahaeva.
Búingi tańda Qyzylorda oblysynda 26 adam koronavirýs indetin juqtyrdy.
