Qyzylorda oblysy Mádeniet basqarmasynyń basshysy para aldy degen kúdikke ilindi. Bul týraly sybailas jemqorlyqqa qarsy qyzmet ókilderi málim etti, - dep habarlaidy "Ult aqparat".
"Qyzylorda oblysy boiynsha sybailas jemqorlyqqa qarsy qyzmet Qyzylorda oblysynyń Mádeniet, arhivter jáne qujattama basqarmasynyń basshysy jeke kásipkerden nysandy kedergisiz qabyldap oǵan tiesili qarjyny ýaqytyly aýdaryp berý úshin 1 million teńge kóleminde para aldy dep kúdikke ilindi", - delingen habarlamada.
Sot sanktsiiasymen kúdiktige qatysty "kúzetpen ustaý" túrindegi bultartpaý sharasy qoldanylǵan. Basqa aqparattar tergeý qupiialylyǵyna bailanysty jariia etýge jatpaidy.
