Búgin Rámizder alańynda Qyzylorda oblysy boiynsha Qylmystyq – atqarý júiesi departamentiniń qalalyq, aýdandyq Probatsiia qyzmetterine Qyzylorda oblysy ákiminiń mindetin atqarýshy Ysqaqov Qýanyshbek Dosmaiylulynyń qatysýymen qyzmettik avtokólikterdi tabystaý rásimi saltanatty túrde ótti. Sharaǵa Departament basshylyǵy, sala ardagerleri jáne qyzmetkerler qatysty. Alǵashqy sóz Qyzylorda oblysy ákiminiń mindetin atqarýshy Ysqaqov Qýanyshbek Dosmaiylulyna berildi.
Búgingi kúni, túrmedegi adamdar sanyn azaitý, qoǵamnan oqshaýlaýmen bailanysty emes jazalardy oryndaý institýtyn damytý boiynsha sharalar iske asyrylyp, eleýli jetistikterge qol jetkizilip keledi.
Sonymen qatar, probatsiia qyzmetiniń esebinde turǵan azamattarǵa Úkimettiń 2014 jylǵy 23 qazanyndaǵy №1131 qaýlysyna sáikes, qala aýdan ákimdikteri tarapynan bos jumys oryndaryna kvotalar bólinip, esepte turǵan azamattardy jumysqa ornalastyryp, áleýmettik kómekter kórsetilip keledi.
Oblysymyzdyń shalǵai eldi mekenderdegi esepte turǵan sottalǵan azamattarǵa baqylaý qadaǵalaý júrgizý jáne olarǵa áleýmettik kómek kórsetýdi tiimdi uiymdastyrý probatsiia qyzmetterine júktelgendigi týraly Qyzylorda oblysy boiynsha Qylmystyq-atqarý júiesi Departamentimen ózekti máseleler qaralyp, búgingi kúnge oblys ákimdiginiń qoldaýy negizinde júrgizilgen is-sharalar negizinde birqatar máselelerdiń oń sheshimi tabylyp otyrǵanyn atap aitty.
Osy atalǵan jumystardy tiimdi uiymdastyrý úshin, Qyzylorda oblystyq ákimdigimen Probatsiia qyzmetteriniń materialdyq-tehnikalyq bazasyn arttyrý maqsatynda birqatar birlesken is-sharalar atqarylyp, iaǵni oblysymyzǵa qarasty barlyq qalalyq, aýdandyq Probatsiia qyzmetterine qyzmettik avtokólikter tabystaimyz dep sheshim qabyldap, 10 avtokóliktiń kiltin tabystady.
Odan ári Departament bastyǵy ádilet polkovnigi Otarbaev Ǵanibek Syrmaǵanbetuly sóz alyp, endi osyǵan orai ózimizdiń mindetimizdi tiisti deńgeide atqaryp, aldaǵy ýaqytta qyzmette jaqsy jetistikter men oń nátijelerge jetemiz dep, osy baǵyttaǵy jumystar jalǵasyn tabatynyn senimmen aitýǵa bolady dep alǵysyn jetkizdi.
Qyzylorda oblysy boiynsha Qylmystyq – atqarý júiesi departamenti
