Qazaqstan Respýblikasy Prezidenti Ákimshiliginiń kelisimi boiynsha oblys ákiminiń ókimimen Qyzylorda oblysy ákiminiń eki jańa orynbasary taǵaiyndaldy, - dep habarlaidy "Ult aqparat".
Oblys ákiminiń orynbasary Serik Ábjáliuly Ahmet aimaqtyń ishki saiasat, jastar máselesi, mádeniet pen sport jáne jumyldyrý daiyndyǵy salalaryna jetekshilik jasap, oblys ákimdigi men quqyq qorǵaý organdary arasyndaǵy ózara is-qimyldy júzege asyrady.
1961 jyly dúniege kelgen Serik Ábjáliuly Qaraǵandy memlekettik ýniversitetin tarih mamandyǵy boiynsha úzdik bitirgen. Eńbek jolyn 1978 jyly Jezqazǵan oblysyndaǵy «Oktiabrdiń 40 jyldyǵy» atyndaǵy keńshardyń qarapaiym jumysshysy retinde bastaǵan. Ár jyldary Qazaqstan Respýblikasy Eńbek jáne halyqty áleýmettik qorǵaý vitse-ministri, Prezident Ákimshiligi Ishki saiasat bóliminiń sektor meńgerýshisi, Memlekettik hatshy hatshylyǵynyń meńgerýshisi jáne Premer-Ministr Keńsesi basshysynyń orynbasary qyzmetterin atqarǵan.
Búgingi kúnge deiin «Memlekettik áleýmettik saqtandyrý qory» aktsionerlik qoǵamy bas direktorynyń orynbasary laýazymynda qyzmet atqaryp keldi.
Oblys ákiminiń orynbasary Serik Júsipuly Súleimenov 1966 jyly dúniege kelgen. S.M. Kirov atyndaǵy Qazaq memlekettik ýniversitetin matematika jáne zańtaný mamandyqtary boiynsha bitirgen. Ár jyldary Qazaqstan Respýblikasy Prezidenti Ákimshiliginde, Qazaqstan Respýblikasy Premer-Ministri Keńsesinde jáne kvazimemlekettik sektorlarda qyzmetter atqarǵan.Sońǵy jyldary Qyzylorda oblysy ákiminiń orynbasary, 2019 jyldyń sáýir aiynan bastap osy kezge deiin Qazaqstan Respýblikasy Energetika ministrligi Atomdyq jáne energetikalyq qadaǵalaý men baqylaý komitetiniń tóraǵasy laýazymynda qyzmet atqaryp keldi.
Serik Júsipuly qurylys, energetika, turǵyn úi jáne kóliktik infraqurylymdy damytý salalaryna jetekshilik etetin bolady.
28 naýryzda Qyzylorda oblys ákimi qyzmetine Gúlshara Ábdiqalyqova taǵaiyndalǵan bolatyn.
