«Qyzylorda jylý elektr ortalyǵynda» apatty jaǵdai oryn alǵan joq. Bul týraly Óńirlik kommýnikatsiialar qyzmetindegi brifingide «KEGOC» AQ ókili Tileýbergen Qanybetov málim etti, dep habarlaidy "Ult aqparat".
16 naýryz kúni keshke Qyzylorda qalasy men oblystyń 5 aýdany jaryqsyz qalǵan bolatyn. 220 kV kerneýiniń kúrt tómendeýinen elektr energiiasy ajyratylǵan.
Málim etilgendei, jaryq kezeń-kezińimen berilip, tańǵy 08.30-ǵa deiin tolyqtai qalpyna keltirildi.
«Keshe áleýmettik jelilerde «Qyzylorda jylý elektr ortalyǵynda» apatty jaǵdai oryn alǵany týraly aqparat – jalǵan. Alaida Jambyl oblysyndaǵy «KEGOC» ulttyq operatorynyń 220 kV jelisinde apatty jaǵdai oryn aldy. Sol sebepti ońtústik óńirlerde jaryq bolmady. Qazirgi ýaqytta shekteý alyndy, elektr energiiasy qalpyna keltirildi. Oryn alǵan jaǵdaiǵa bailanysty komissiia qurylyp, ajyratýlardyń sebebin tekserýde», - dedi «KEGOC» AQ-nyń ókili Tileýbergen Qanybetov.
