Kóliktegi sanitarlyq-epidemiologiialyq baqylaý departamentiniń saitynda Kóliktegi Bas memlekettik sanitariialyq dárigeriniń jańa qaýlysy jariialandy, dep habarlaidy "Ult aqparat".
Qujat aiasynda «Ishki jáne halyqaralyq aviareisterdegi karantindik talaptar týraly» Kóliktegi Bas memlekettik sanitariialyq dárigeriniń 2020 jylǵy 26 qarashadaǵy № 71 qaýlysyna birqatar ózgeris engiziledi. Atap aitqanda, táýekeli joǵary qaýipti (qyzyl aimaq) óńirlerindegi áýejailar ǵimarattaryna kútip alýshylar jáne shyǵaryp salýshylardy kirgizýdi shekteý uiǵaryldy.
Odan bólek, «Qazaqstan Respýblikasyndaǵy temir jol qatynastarynda shekteý karantindik sharalary jáne olardy kezeń-kezeńimen jeńildetý týraly» Kóliktegi Bas memlekettik sanitariialyq dárigeriniń 2020 jylǵy 24 tamyzdaǵy № 55 qaýlysyna táýekeli joǵary qaýpti (qyzyl aimaq) óńirlerindegi temirjol vokzaldary ǵimarattaryna kútip alýshylar jáne shyǵaryp salýshylardy kirgizýdi shekteý jazylǵan.
