Qyzyl aimaqqa kórshiles ornalasqan oblystar karantindik shekteýlerdi kúsheitý is-sharalaryn aldyn ala pysyqtaýy qajet. Bul týraly búgin Úkimet otyrysynda QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Óńirlerdegi epidemiologiialyq ahýal baqylaýda. Degenmen birneshe baǵyt boiynsha naqty is-sharalar qabyldanýy qajet. Oblystardyń, Nur-Sultan, Almaty, Shymkent qalalarynyń ákimderi óńirlik shtab jumystaryn kúsheitýi qajet. Qyzyl aimaqtaǵy óńirlerdegi epidemiologiialyq jaǵdai shtab otyrysynda kúnsaiyn qaralýy tiis», - dedi Eraly Toǵjanov.
Onyń atap ótýinshe, sary aimaqqa engen óńirler jáne qyzyl aimaqqa kórshiles ornalasqan oblystar karantindik shekteýlerdi kúsheitý boiynsha is-sharalardy aldyn ala pysyqtaýy qajet.
«Shekteý sharalary jaǵdaiynda biznestiń qalypty jumysyn qamtamasyz etý maqsatynda barlyq óńirler Ashyq jobasyn kásipkerlik sýbektilerine engizý boiynsha naqty sheshimder qabyldaýy kerek», - dedi Premer-Ministrdiń orynbasary.
